Property Details

Huis Franklin is in Hersham, Groot-Brakrivier geleë en bied gehalte verblyf vir 'n familie of groep vriende. Die huis is naby verskeie winkels, restaurante, die strand en ander doendinge en besienswaardighede. Die huis is in doodloopstraat wat dit baie stil en rustig maak. Daar is lekker groot tuin agter die huis. Dié familiehuis beskik oor 5 slaapkamers en het slaapplek vir 10 gaste. Die hoofslaapkamer het 'n koningingrootte-bed en 'n en suite-badkamer met 'n stort, bad, toilet en wasbak. Die ander 4 kamers het elk 'n dubbelbed en die tweede badkamer het 'n bad, stort, toilet en wasbak. Daar is nóg 2 badkamers wat elk 'n stort, toilet en wasbak het. Die kombuis is met 'n stoof, oond, yskas-vrieskas, mikrogolf, koffie- en teemaakgeriewe, 'n skottelgoedwasser, breekware en eetgerei toegerus. Daar is 'n aparte waskamer met 'n wasmasjien, tuimeldroër en 'n ekstra yskas. Die sitkamer het gemaklike banke en 'n TV met Netflix. Die eetkamerarea het genoeg sitplek en gaste kan hul etes om die tafel geniet. Gratis WiFi is beskikbaar. Daar is ook tweede formele sitkamer. Daar is lieflike braaigeriewe op die dek, asook buitemeubels. Veilige parkeerplek is op die perseel in 'n dubbel-toesluitmotorhuis beskikbaar. Die huis het alarmstelsel met gewapende reaksie en diefwering. Daar is sonpanele en inverters wat die huis teen beurtkrag beskerm. Die huis het ook 'n gasgeiser. Daar is 2 katte en 2 hasies op die perseel. R8 250 per dag R3 000 Breekdeposito R1 200 Uitgaande Skoonmaak fooi Beskikbaar 16 Desember tot 4 Januarie (Minimum 10 dae per bespreking)