5 187ha Wild- en Veeplaas | Noord-Kaap
Hierdie uitsonderlike 5 187 hektaar wild- en veeboerdery bestaan uit agt aangrensende titelaktes en word as 'n lopende boerdery (going concern) aangebied. Dit bied 'n unieke geleentheid om 'n gevestigde boerdery met bestaande infrastruktuur en bedrywighede oor te neem.
Die verkoop sluit nie net die grond in nie, maar ook die bestaande wild, alle boerderytoerusting, die inhoud van alle geboue (met enkele uitgeslote items), asook drie plaasvoertuie, wat 'n gladde oorgang na die nuwe eienaar verseker.
Hierdie eiendom is ideaal vir wildboerdery, veeboerdery, jag, gasvryheid en ekotoerisme, met die voordeel dat dit as 'n volledig operasionele onderneming oorgedra word. Die wildtelling sal voor oordrag deur 'n onafhanklike instansie gedoen word om die wildgetalle te bevestig.
'n Skaars geleentheid om 'n groot, gevestigde en inkomste-genererende boerdery in die Hay-distrik van die Noord-Kaap te bekom – ideaal vir die belegger of produsent wat op soek is na 'n premium wild- en veeboerdery met uitstekende langtermynpotensiaal.BTW uitgesluit in prys.